Ferðagjald knattspyrnudeildar 2019
Kæru foreldrar/forráðamenn
Eins og ykkur er kunnugt keppa iðkendur Fjölnis í 5. til 2. flokki á Íslandsmóti sem skipulagt er af KSÍ. Hluti þessara leikja eru utan stór Reykjavíkursvæðisins og hafa ferðalög á þessa leiki verið skipulögð af foreldrum í samvinnu við viðkomandi þjálfara og í mörgum tilfellum hefur einhvert foreldri keyrt með hópinn. Slíkt fyrirkomulag leggur mikla ábyrgð á herðar þessara foreldra þó sem betur fer hafi ekki orðið slys.
Kostnaður við þessar ferðir hefur verið mjög mismunandi en í öllum tilfellum greiddur sérstaklega af þeim iðkendum sem fara í viðkomandi ferð, dæmi eru um kostnað upp á allt að 25.000 fyrir iðkanda í ferð á einn leik en algeng tala í þessu er 10.000 – 12.000 fyrir einn leik. Misjafnt er milli flokka og iðkenda hve mikill kostnaðurinn hefur verið en hann getur verið umtalsverður.
Fjölnir hefur því ákveðið að frá og með komandi sumri (2019) mun félagið rukka iðkendur þessara flokka um sérstakt gjald til að stand straum af þessum kostnaði. Allar ferðir sem eru í meira en einnar klukkustundar akstursfjarlægð frá Reykjavík verða skipulagðar af yfirþjáfara og íþróttafulltrúa Fjölnis. Samið hefur verið við fyrirtæki sem mun annast akstur og mun því atvinnubílstjóri keyra hópinn.
Gjaldið fyrir sumarið 2019 er 6.000 krónur og mun greiðsluseðill birtast á heimabanka forráðamanna á næstu dögum.
Vakni einhverjar spurningar um framkvæmd þessa er öllum velkomið að hafa samband við skrifstofu félagsins í 578 2700 eða með tölvupósti á skrifstofa@fjolnir.is
Fjölnis kveðjur,
Stjórn BUR, (barna- og unglingaráðs knattspyrnudeildar Fjölnis)
Góður árangur á MÍ
Meistaramót Íslands í frjálsum íþróttum var haldið í frjálsíþróttahöllinni í Kaplakrika dagana 23. og 24. febrúar. Fjölnir átti 13 keppendur á mótinu sem stóðu sig mjög vel. Margir voru að ná góðum árangri og sumir að setja persónuleg met. Þau sem komust á verðlaunapall voru:
Daði Arnarson fékk silfur í 800m hlaupi á tímanum 1:56,36. Hann keppti einnig í 400m hlaupi og bætti sig í þeirri vegalengd.
Bjarni Anton Theódórsson fékk brons í 400m hlaupi á tímanum 50,11sek.
Hermann Orri Svavarsson fékk brons í langstökki með stökk uppá 6,57m og var það persónuleg bæting hjá honum. Hann keppni líka í 60m hlaupi og bætti sig þar einnig.
Vilhelmína Þór Óskarsdóttir fékk brons í 400m hlaupi á tímanum 57,86sek.
Helga Guðný Elíasdóttir fékk brons í 3000m hlaupi á tímanum 10:58,33.
Helga Þóra Sigurjónsdóttir fékk brons í hástökki með stökk yfir 1,64m.
Að lokum vann sveit Fjölnis brons í 4x400m boðhlaupi karla. Í sveitinni voru Hermann Orri Svavarsson, Daði Arnarson, Matthías Már Heiðarsson og Bjarni Anton Theódórsson.
Fleiri voru að bæta sinn persónulega árangur á mótinu. Bjartur Gabríel Guðmundsson keppti í þremur greinum; 60m hlaupi, 200m hlaupi og hástökki og bætti sig í öllum greinunum. Sara Gunnlaugsdóttir keppti í 200m hlaupi og bætti sig í þeirri vegalengd.
Öll úrslit mótsins eru hér.
Á myndinni er Daði Arnarson.
Handboltaveisla
>>> HANDBOLTAVEISLA Á ÞRIÐJUDAGINN <<<
Við hitum upp fyrir leikinn með skothittni í anddyri Egilshallar á mánudag milli kl. 17:00-17:45. Þú gætir unnið miða fyrir 2 á leikinn og gjafabréf í keilu.
Leikurinn verður í beinni á FjölnirTV í boði Thorworks og fyrir þá sem muna eftir umspilinu góða gegn Selfossi, þá mæta okkar bestu Jón Brynjar Björnsson og Viktor Lekve til leiks og lýsa gleðinni.
Ekki missa af Domino’s Pizza – Ísland skotinu í hálfleik.
Frítt fyrir 17 ára og yngri! Mætum í gulu.
Styðjum strákana til sigurs og hjálpum þeim að tryggja sæti sitt í Final 4.
Endilega deilið á vini og vandamenn #FyllumDalhúsin
Herrakvöld Knattspyrnudeildar Fjölnis 15. mars
Herrakvöld Knattspyrnudeildar Fjölnis verður haldið föstudaginn 15. mars í Korpunni.
Frábær dagskrá allt kvöldið:
-Ari Eldjárn verður með uppistand.
-Utanríkisráðherrann sjálfur Guðlaugur Þór er ræðumaður kvöldsins.
-Glæsilegar veitingar frá Hödda kokki.
-Happdrætti og margt fleira.
-Maggi Hödd stýrir veislunni.
Húsið opnar kl. 19:00 og borðhald hefst kl. 20:00
Hægt að taka frá borð á góðum stað ef heilt borð er keypt (10 miðar).
Pantið miða sem allra fyrst í gegnum netfangið geir@fjolnir.is
#FélagiðOkkar
Konukvöld Knattspyrnudeildar Fjölnis 23. mars
Konukvöld Knattspyrnudeildar Fjölnis verður haldið laugardaginn 23. mars í veislusalnum Veislusmára
(Sporhömrum 3, 112 Reykjavík)
Frábær dagskrá:
- Veislustjóri Maggi Hödd
- Ræðumaður kvöldsins
- Karen Björg uppistandari úr hópnum Bara Góðar
- Bragðgóðar veitingar
- Vörukynning frá Blush
- Happdrætti og margt fleira!
Húsið opnar kl. 19:00 og borðhald hefst kl. 20:00
Hægt er að kaupa bæði staka miða og heil borð (8 manna borð).
ATH miðasala fer mjög vel af stað og því mikilvægt að klára miðkaup sem fyrst.
Svona kaupið þið miða:
1) Fara inn á: https://fjolnir.felog.is/
2) Skrá sig inn með rafrænum skilríkjum í farsíma
3) Smella á texta hægra megin á síðu við nafnið sitt: Skráning í boði
4) Finna viðburðinn og ganga frá greiðslu
5) Kaupandi fær kvittun/staðfestingu senda á netfangi
#FélagiðOkkar
Karatemaður ársins
Undir lok árs útnefndum við karatefólk ársins 2018.
Karatemaður ársins: Baldur Sverrisson
Baldur hefur í gegnum langan feril í deildinni unnið ötullega og verið öðrum góð fyrirmynd. Það hefur svo sýnt sig í að hann er í dag vinsæll þjálfari yngri iðkenda og stuðningsmaður þeirra á mótum þar sem hann tekur jafnan að sér liðsstjórahlutverkið. En Baldur lauk fyrr á árinu 1. stigs þjálfararéttindum ÍSÍ eftir að hafa starfað sem aðstoðarþjálfari um árabil.
Baldur er einn Afreksiðkenda deildarinnar og hefur sýnt góðan árangur sem keppnismaður í greininni. Enda kemur hann að jafnaði heim með verðlaun þegar hann tekur þátt. Þannig náði hann 2. sæti í Kata á Reykjavík International Games, 3. sæti á Íslandsmeistaramóti unglinga í kata. Og á Grand Prix mótaröðinni (3 mót) náði hann samanlagt 2. sæti í Kata og samanlagt 3. Sæti í Kumite.
Metnaður og Virðing eru þau gildi sem Baldur hefur staðið fyrir í starfi sínu innan karatedeildarinnar.
Á myndinni er Baldur ásamt Jóni Karli Ólafssyni formanni
Fjölnis.
Við eigum tvo flokka í úrslitum
Eins og körfuboltaáhugafólk veit þá er Geysis-bikarveisla í gangi þessa daganna og er að ná hámarki með úrslitaleikjum. Við eigum tvo öfluga flokka í úrslitum.
Í dag föstudaginn 15. febrúar kl. 20:15 höfum við titil að verja. A lið 10. flokks Fjölnis leikur þá til úrslita gegn Stjörnunni í Laugardalshöll.
Á sunnudaginn kemur 17.febrúar eigum við annað lið í úrslitum í Laugardalshöllinni, þegar drengjaflokkur mætir Stjörnumönnum kl. 16:50.
Fjölnismenn stöndum saman og sýnum hversu máttug við erum, mætum og hvetjum okkar menn til sigurs.
Áfram Fjölnir.
Þorrablót happdrætti
Búið er að draga í Þorrablóts happdrættinu.
Hér má sjá vinningaskránna.
Vinninga ber að vitja fyrir 30. apríl 2019.
Vinningar eru afhentir á skrifstofu Fjölnis í Egilshöll á opnunartíma skrifstofu.
Upplýsingar um opnunartíma má finna hér.
Þökkum fyrir stuðninginn, kær kveðja Þorrablótsnefndin
Sara með mótsmet
Meistaramót Íslands í frjálsum íþróttum fyrir 11-14 ára fór fram í Frjálsíþróttahöllinni í Laugardal helgina 9.-10. febrúar. Fjölnir átti 13 keppendur á mótinu. Sara Gunnlaugsdóttir 14 ára náði að komast fjórum sinnum á verðlaunapallinn sem er aldeilis vel af sér vikið. Hún sigraði í 600m hlaupi á tímanum 1:45,08 sem er persónulegt met hjá henni og setti mótsmet í greininni. Hún varð í öðru sæti í langstökki með stökk uppá 4,57m og varð einnig í öðru sæti í 60m grind á tímanum 10,10sek sem er persónulegt met hjá henni. Hún varð svo í þriðja sæti í 60 m hlaupi á tímanum 8,62sek. Þetta er frábær árangur hjá Söru en hún keppti í 6 greinum á mótinu.
Kjartan Óli Bjarnason 12 ára stóð sig líka vel á mótinu. Hann varð í þriðja sæti í langstökki með stökk uppá 4,19m sem er persónulegt met hjá honum. Hann bætti sig líka í 60m hlaupi þar sem hann varð þriðji í undanúrslitum en endaði svo í fjórða sæti á tímanum 9,22sek í úrslitahlaupinu. Var hann að bæta tímann sinn í 60m hlaupinu. Hann varð líka í fjórða sæti í 600m hlaupi á tímanum 1:56,85 og var einnig að setja persónulegt met þar.
Aðrir keppendur stóðu sig vel og margir settu persónuleg met.
Öll úrslit mótsins eru hér.
Þrepamót og RIG
Nú er nýtt fimleikaár farið af stað af fullum krafti og nú þegar búin að vera haldin tvö þrepamót.
Í lok janúar var keppt í 5.þrepi stúlkna á þrepamóti 1, mótið var haldið Björk.
17 stúlkur frá Fjölni kepptu á mótinu og stóðu stóðu sig vel og voru flottir fullrúar félagsins.
Þrepamót 2 var svo haldið núna síðustu helgi samhliða RIG (Reykjavík International Games) mótið fór fram í Laugardalshöllinni og öll umgjörð í kringum mótið með besta móti.
Á þrepamótinu voru flottir strákar sem kepptu fyrir hönd Fjölnis í 5. og 4.þrepi og stúlkur í 4.þrepi.
Síðast en ekki síst átti Fjölnir svo þrjá fulltrúa á RIG og voru þau öll að keppa á sínu fyrsta stórmóti og erum við ótrúlega stolt af þeim og þeirra árangri.
Fimleikadeild Fjölnis mun svo halda Þrepamót 3 helgina 8.-10.febrúar. Á mótinu verður keppt í 1.-3.þrepi karla og kvenna.
