Íþróttaakademían
Íþróttaakademía Fjölnis [ÍAF] er verkefni innan Umf. Fjölnis og er það tækifæri ætlað unglingum sem æfa íþróttir og eru í 9. og 10. bekk. Verkefnið snýst um að undirbúa nemendur í að taka ábyrgð á sjálfum sér sem íþróttamanni og læri þannig að tileinka sér gott hugarfar, heilsusamlega næringu, svefn og réttar þjálfunaraðferðir. Aðalmarkmið ÍAF er að bjóða upp á þjálfun og fræðslu sem styður við það sem þegar er gert í deildum félagsins. Þetta verkefni er hugsað fyrir þá íþróttamenn sem vilja ná langt í sinni íþrótt og eru tilbúin að leggja mikið á sig, til að svo megi verða.
ÍAF byggir á samstarfi unglingadeilda grunnskóla Grafarvogs og Umf. Fjölnis og felst tækifærið fyrir unglingana að fá að velja ÍAF sem valgrein í náminu sínu í stað hefðbundinna námsgreina. Athygli er vakin á því að þetta námskeið kostar 34.000kr fyrir allt árið, innifalið er því er öll þjálfun, kennsla, gestafyrirlestrar, námskeiðsgögn og flott æfingapeysa.
Nemendur þurfa að skrá sig í valfagið "íþróttaakademía Fjölnis”. Ef nemandi er óviss um hvort hann sé skráður þarf hann að hafa samband við námsráðgjafa í sínum skóla.
Hér er ÍAF á Facebbok https://www.facebook.com/itrottaakademiafjolnis/
Heimasíða ÍAF https://fjolnirakademia.wordpress.com/
Anna Margrét Guðmundsdóttir, verkefnisstjóri Íþróttaakademíu Fjölnis. Netfang: fjolnirakademia@gmail.com
#FélagiðOkkar
