Fjölnir

Íþróttaakademían

Íþróttaakademía Fjölnis [ÍAF] er verkefni innan Umf. Fjölnis og er það tækifæri ætlað unglingum sem æfa íþróttir í Fjölni og eru í 9. og 10. bekk. Verkefnið snýst um að bjóða upp á skipulagða tækniþjálfun í handbolta, fótbolta og körfubolta ásamt hagnýtri fræðslu í þeim þáttum sem skipta máli, s.s. sögu félagsins, þjálffræði, íþróttasálfræði og næringarfræði. Bóklegi þátturinn er öllum greinum félagsins aðgengilegur. Aðalmarkmið ÍAF er að bjóða upp á þjálfun og fræðslu sem styður við það sem þegar er gert í flokkum félagsins, annað og meira en gert er nú þegar í deildunum. Þetta verkefni er hugsað fyrir þá íþróttamenn sem vilja ná langt í sinni íþrótt og eru tilbúin að leggja mikið á sig, til að svo megi verða.

 

ÍAF byggir á samstarfi unglingadeilda grunnskóla Grafarvogs og Umf. Fjölnis og felst tækifærið fyrir unglingana að fá að velja ÍAF sem valgrein í náminu sínu í stað hefðbundinna námsgreina. Þess má geta að verkefnið er unnið að fyrirmynd sem hefur gengið afar vel hjá Haukum í Hafnarfirði, Afreksskóla Hauka, undir stjórn Kristjáns Ómars Kristjánssonar.

Fyrsta starfsári ÍAF er að ljúka og er það vonandi aðeins það fyrsta af mörgum og mun verkefnið vera í stöðugri þróun næstu misserin. Vonumst við til að í framtíðinni getum við boðið upp á þetta tækifæri fyrir fleiri greinar úr Fjölni. Við erum nefnilega þess fullviss að æfingarnar og fræðslan mun hjálpa okkar íþróttamönnum að ná fram sínum besta árangri þegar fram í sækir.

 

Með skráningu á þetta eyðublað er umsókn móttekin og greiðsluseðill verður sendur í upphafi tímabils ef viðkomandi nemandi verður samþykktur í Íþróttaakademíuna.

 

Hér geturðu nálgast slæðukynningu á verkefninu:

 

Eftirfarandi atriði eru skilyrði inngöngu

* ÍAF verður að vera valfag hjá viðkomandi nemanda í grunnskóla

* Að vera virkur iðkandi hjá Fjölni

* Að greiða æfingagjöld hjá Fjölni fyrir tilskilt tímabil (haust og vor)

 

Hér er svo hægt að sækja um fyrir haust 2015

Verkefnisstjórar eru Sveinn Þorgeirsson (s. 697 5098, sveinn@bhs.is) og Sævaldur Bjarnason

Fréttablöð

Skoðið blöð gefin út af félaginu

Útgáfa

Fjölnisvörur

Skoðið úrvalið af Fjölnisvörum

Vörurnar

Hvar erum við ?

Skoðið staðsetningar okkar

Íþróttasvæði

Ungmennafélagið Fjölnir - Fossaleyni 1 - 112 Reykjavík - Sími: 578 2700 - aefingagjold@fjolnir.is - skrifstofa@fjolnir.is

Aðalstyrktaraðilar Fjölnis eru: Bónus og N1.  Landsbanki Íslands er styrktaraðili og viðskiptabanki Fjölnis.