Fjolnir

Á mánudaginn 13. febrúar verður haldinn vinnufundur í hátíðarsal félagsins Dalhúsum 2. Fundurinn er opinn öllum sem tengjast félaginu á einn eða annan hátt og áhuga hafa á jafnréttismálum. Vinnufundurinn er haldinn í samstarfi við ÍBR, ÍTR, mannréttindastofu Rvk-borgar og Ármanns. Tilefni fundarins er gerð jafnréttisstefnu og aðgerðaráætlunar umf. Fjölnis. Fundurinn er opinn öllum sem áhuga hafa á að koma að þessari vinnu með félaginu. Við í Fjölni......

Þorrablót - vinningar í happdrættinu Vinninga ber að vitja á skrifstofu Fjölnis í Egilshöll.

Helga Guðný Elíasdóttir og Ingvar Hjartarson urðu bæði Íslandsmeistarar í sínum aldursflokki 18-19 ára á Meistaramóti Íslands 15-22 ára um helgina. Helga hljóp 1500 m á tímanum 5:07,77 mín sem er aðeins um 3 sek frá hennar besta tíma á meðan Ingvar hljóp vegalengdina 4:32,09 mín sem var tæpum 2 sek frá hans besta.

Laugardaginn 28. janúar hefst nýtt námskeið í íþróttaskólanum. Námskeiðið er haldið í Hamraskóla og er fyrir 3 - 5 ára börn. Allar skráningar fara fram á heimasíðu Fjölnis í iðkendaskráningarkerfi félagsins. Nánari upplýsingar eru gefnar í síma 578-2700 eða með tövupóst á fjolnir@fjolnir.is. kennt er á....

Erla Gunnarsdóttir þjálfari skokkhóps Fjölnis hlaut viðurkenningu Evrópska frjálsíþróttasambandsins (EAA) 2011 fyrir framúrskarandi framlag konu til frjálsíþrótta á Íslandi. Eins og margir þekkja hefur Erla stýrt að eigin frumkvæði skokkhóp Fjölnis í nær 20 ár, eða frá upphafi. Með framtaki sínu hefur hún stuðlað og hvatt almenning til virkrar íþróttaiðkunar sem án efa hefur skilað sér í vaxandi almennum hlaupaáhuga.

Mjög góður árangur náðist á Stórmóti ÍR sem haldið var um síðustu helgi. Margir af okkar keppendum náðu á pall. Þeirra á meðal voru Arndís Ýr Hafþórsdóttir sem sigraði 1500 m hlaup kvenna á tímanum 4:52,34 mín en Helga Guðný Elíasdóttir varð þriðja í sama hlaupi á tímanum 5:11,83. Ingvar Hjartarson varð svo þriðji í 1500 m hlaupi karla á tímanum 5:11,83 mín.

Valdimar Ingi Jónsson Fjölni sigraði í 800 m hlaupi pilta 13-14 ára á Reykjavík International í dag á persónulegu meti, 2:14,03 mín. Hann átti í harðri baráttu við Reyni Zöega Geirsson Breiðablik en náði sigri á lokametrunum.

Arndís Ýr Hafþórsdóttir Fjölni var í dag kjörin langhlaupari ársins 2011 ásamt Kára Steini Karlssyni Breiðablik. Valið stóð á milli sex kvenna sem allar höfðu skarað framúr á árinu. Arndís var sigursæl í götuhlaupum, átti bestan tíma í 5 og 10 km hlaupum, sigraði báðar Powerade hlauparaðirnar ásamt því að vera í landsliðshópnum í frjálsum. Hún var jafnframt kjörin afreksmaður Frjálsíþróttadeildarinnar 3. árið í röð.

Guðmundur Magni Þorsteinsson og Kristján Ágústsson eru meðal fjögurra Íslendinga sem hafa fengið réttindi frá Alþjóða frjálsíþróttasambandinu (IAAF) og Alþjóðlega sambandi maraþon og langhlaupa (AIMS) til mælinga fyrir götuhlaup. Guðmundur og Kristján hafa verið öflugir bakhjarlar Frjálsíþróttadeildarinnar og tekið virkan þátt í framkvæmd allra götuhlaupa á vegum deildarinnar, sem allt er unnið í sjálfboðavinnu, auk þess að sinna mörgum fleiri verkefnum utan félagsins.