Fjolnir

Vinsamlegast athugið að engar æfingar verða föstudag, laugardag né sunnudag í dalhúsum vegna fjölliðamóts í handbolt. Þeir m.fl. leikir hjá körfunni sem áttu að vera verða báðir á sunnudeginum. -Skrifstofa-

Þorrablót - vinningar í happdrættinu Vinninga ber að vitja á skrifstofu Fjölnis í Egilshöll.

Laugardaginn 28. janúar hefst nýtt námskeið í íþróttaskólanum. Námskeiðið er haldið í Hamraskóla og er fyrir 3 - 5 ára börn. Allar skráningar fara fram á heimasíðu Fjölnis í iðkendaskráningarkerfi félagsins. Nánari upplýsingar eru gefnar í síma 578-2700 eða með tövupóst á fjolnir@fjolnir.is. kennt er á....

Sex Fjölnistelpur úr 5.fl.kv voru valdar í úrtak fyrir Grunnskólamót höfuðborga Norðurlandanna. Þær eru Andrea Jacobsen, Berglind Benediktsdóttir, Elísa Sif Snorradóttir, Guðrún Gígja Aradóttir, Helena Ósk Kristjánsdóttir og Sara Margrét Brynjarsdóttir. Úrtakið telur 30 stelpur frá liðum í Reykjavík. Í apríl munu þjálfarar skera niður hópinn í 10 manns sem heldur til Noregs og spilar á móti jafnöldrum sínum. Þess má geta að tvær úr þessum hópi þær Andrea og Gígja voru valdar í 10 manna hópinn í fyrra þá ári yngri. Við óskum þeim góðs gengis. Áfram Fjölnir, Arnór þjálfari

Dómaranámskeið A á þriðjudaginn kl. 19:00 Í samstarfi við HSÍ verður haldið dómaranámskeið næsta þriðjudag kl. 19:00-21:00 Námskeiðið gildir til A réttinda, eða fyrir leiki í 4.fl. og yngri. Frítt inn og opið fyrir áhugasama verðandi dómara eldri en 15 ára.

Síðastliðinn fimmtudag var stigið síðasta skrefið í framkvæmd verkefnisins Fjölnir 2014 sem miðar að því að koma elstu drengjum félagsins í meistaraflokk á næstu árum. Fundurinn var vel sóttur og endaði á undirskrift drengja fæddra ´94-´97. Þeir skrifuðu undir samning sem gildir til 2013 með möguleika á árs framlengingu. Tæplega 30 drengir skrifuðu undir við deildina.

Handknattleiksdeild Fjölnis stendur fyrir EM-stofu í hátíðarsalnum í Dalhúsum. Efturtaldir leikir verða sýndir:16.01.2012 - Mánudagur 17:00 Frakkland - Spánn og19:04 Ísland - Króatía; 18.01.2012 - Miðvikudagur 17:00 Slóvenía - Króatía og 19:04 Ísland – Noregur; 20.01.2012 - Föstudagur 16:45 Ísland - Slóvenía; 21.01.2012 - Laugardagur 17:00; 22.01.2012 - Sunnudagur 15:00 og 17:00; 23.01.2012 - Mánudagur 15:05 17:00 og 19:40; 24.01.2012 - Þriðjudagur 15:00 17:00 og 19:04

Milli jóla og nýárs fóru fram landsliðsæfingar drengja fæddir 1996 og síðar. Fjölnir átti flottan fulltrúa á þeim æfingum í honum Björgvini Páli Rúnarssyni. Björgvin hefur áður tekið þátt í slíkum æfingum og staðið sig vel. Hann spilar með 4.fl. félagsins ásamt 3.fl. Hann er einn af þeim leikmönnum sem verkefnið Fjölnir 2014 er myndað utan um og er ætlað að hjálpa þeim að ná sem lengst í handboltanum. Í framhaldi af þessum æfingum verður hópurinn skorinn niður fyrir verkefni í kringum páskana. Vonandi kemst okkar maður áfram. Við óskum honum og liðsfélögum hans í Fjölni 2014 góðs gengis á nýju ári. Þess má geta að Fjölnir átti annan fulltrúa á þessum æfingum. Sveinn yfirþjálfari var Einari Guðmundssyni landsliðsþjálfara innan handar við æfingarnar ásamt fleirum.

Þann 31. desember s.l. fékk handknattleiksdeild Fjölnis lið frá Alberta í Kanada í heimsókn. Kanadísku liðin (stráka og stelpulið) komu hingað í pílagrímsferð til að spila við íslensk lið á sama aldri. Þegar deildinni barst þetta tilboð var hún ekki lengi að bjóða þeim að koma í heimsókn í Dalhúsin. Liðin eru skipuð leikmönnum á aldrinum 15-18 ára, eitt pilta lið og annað stúlkna lið. Það var sérstaklega gaman að taka á móti þessum liðum frá landi sem vinnur að því að byggja upp boltann. Ferðir til Evrópu eru hluti af þeirri viðleitni.