Fjolnir

Þorrablót - vinningar í happdrættinu Vinninga ber að vitja á skrifstofu Fjölnis í Egilshöll.

Aðsóknin að skákæfingum Fjölnis eykst með hverjum laugardegi og sló met sl. laugardag. Það voru 40 krakkar á aldrinum 6 – 16 ára sem mættu. Hjörvar Steinn tók að sér þjálfun úrvalshóps sem alltaf fjölgar í, jafnt strákar sem stelpur. Ingvar sá um undirbúningsæfingu stúlknahóps fyrir Íslandsmót grunnskólasveita, stúlkna.

Laugardaginn 28. janúar hefst nýtt námskeið í íþróttaskólanum. Námskeiðið er haldið í Hamraskóla og er fyrir 3 - 5 ára börn. Allar skráningar fara fram á heimasíðu Fjölnis í iðkendaskráningarkerfi félagsins. Nánari upplýsingar eru gefnar í síma 578-2700 eða með tövupóst á fjolnir@fjolnir.is. kennt er á....

Skákæfing Fjölnis verður í Rimaskóla kl. 11:00 – 12:15 laugardaginn 4. feb n.k. Æfingin er aðeins í styttra lagi vegna Íslandsmóts grunnskóla, stúlknaflokkur, sem hefst í Rimaskóla kl. 13:00 Kennsla og kappskák.....

Í framhaldi af Skákmóti Rimaskóla á Skákdeginum 26. janúar varð metþátttaka á skákæfingu Fjölnis laugardaginn 28. janúar í Rimaskóla. Tæplega 40 börn mættu og tugur foreldra fylgdist með og var tilbúninn til að aðstoða við æfinguna. Hópur þátttakenda mætti síðan í Skákskóla Íslands starx að lokinni æfingu Fjölnis. Enginn vildi þó fara fyrr en æfingunni væri lokið því það Fjölnisæfingarnar eru skemmtilegar og samheldnar frá upphafi til enda.

Skákþingi Reykjavíkur 2012 er lokið. Mikil þátttaka var á mótinu, 73 keppendur og þar af 13 frá Skákdeild Fjölnis. Unglingarnir í Fjölni voru að standa sig gríðarlega vel og fóru þar fremst ungmennalandsliðsmaðurinn Dagur Ragnarsson sem varð í 5. – 8. sæti og landsliðshópskonan Sigríður Björg Helgadóttir sem varð í 9. – 13. sæti. Þetta er mjög góður árangur hjá þetta ungu fólki þegar um er að ræða eitt sterkasta skákmót ársins. Sigríður Björg varð efst kvenna á Skákþingi Reykjavíkur og sigraði nokkuð örugglega 1800 stiga flokkinn.

Norðurlandamót einstaklinga í skólaskák 2012 fer fram í Finnlandi dagana 17. – 19. febrúar n.k. Tíu íslensk ungmenni á aldrinum 10 – 21 árs eru valin í ungmennalandslið Íslands til þátttöku í mótinu. Svo ánægjulega vill til að fjórir krakkar í þessum hópi koma frá Skákdeild Fjölnis og er langt síðan að svo margir skákmenn komu frá eina og sama félaginu. Forseti Íslands bauð Norðurlandaförunum til móttöku á Bessastöðum á Skákdegi Íslands þann 26. janúar ásamt Friðriki Ólafssyni stórmeistara sem átti afmæli þennan dag.

Á laugardagsæfingu Fjölnis þann 21. febrúar mættu tæplega 30 krakkar á aldrinum 6 – 16 ára. Æfingin var einkar glæsileg því að þau Hjörvar Steinn, Ingvar og Sigríður Björg sem öll útskrifuðust frá Rimaskóla sáu um þjálfun á mismunandi stigum. Rúmlega klukkustundar kennsla og þjálfun, það gerist ekki betra.

Rúmlega 30 krakkar á öllum aldri mættu á fyrstu skákæfingu ársins hjá skákdeild Fjölnis í Rimaskóla. Helgi Árnason formaður skákdeildarinnar byrjaði á því að veita þeim Nansý Davíðsdóttur, Hilmi Hrafnssyni og Kristófer Halldóri Kjartanssyni gjafir frá skákdeildinni fyrir frábæra frammistöðu þeirra á Íslandsmóti barna 2012.