Að loknu Vormóti
Þá er Vormóti Sunddeildarinnar lokið. Margir frábærir keppendur mættu til leiks og tóku þátt í skemmtilegu móti. Við viljum þakka þeim kærlega fyrir helgina og eins aðstandendum fyrir komuna. Við getum ekki annað en verið sátt eftir svona helgi. Á þessu móti var keppt í stigastöðu félaga og var Sunddeild Fjölnis stigahæst með 575 stig. Í öðru sæti var Sundfélagið Ægir með 322 stig og í þriðja sæti var Sunddeild Breiðabliks með 269 stig. Hér fyrir neðan er hægt að nálgast helstu talnafræði mótsins. Við þökkum kærlega fyrir okkur og hlökkum til að sjá ykkur á Haustmótinu.
Hér er hægt að nálgast úrslit 3.hlutans Úrslit aukamótsins, Heildarúrslit mótsins (allar greinar) Lokastigastöðu félaga Hytek skrá fyrir þjálfara og Myndir frá mótinu hér undir "Lesa nánar"
Að loknum öðrum hluta
Þá er öðrum hluta Vormótsins lokið. Það voru þreyttir en glaðir sundmenn sem yfirgáfu Laugardalslaugina laust fyrir sjö í kvöld eftir glæsilega keppni í öðrum hluta mótsins. Keppnin er hörð og er ekkert gefið eftir ofan í lauginni. Það vekur aðdáun þeirra sem á horfa hversu mikil vináttan er samt á milli keppenda þegar á bakkann er komið. En að loknum öðrum hluta leiðir Sunddeild Fjölnis stigakeppni liða með 383 stig en í öðru sæti er Sundfélag Akraness með 232 stig.
Það verður gaman að fylgjast með síðasta hlutanum í fyrramálið en hann hefst með upphitun kl. 8 og svo mót kl. 9. Sjáumst í Laugardalnum á morgun.
Vormótið hafið
Vormót Sunddeildar Fjölnis hófst í morgun kl. 9. Fjölmargir keppendur mættu og tóku þátt í skemmtilegum 1. mótshluta. Fjöldi félaga hefur skráð sig til keppni og lítur út fyrir að stigakeppnin verði mjög spennandi en Sunddeild Fjölnis leiðir keppnina eftir fyrsta mótshluta með 189 stig. Í öðru sæti er svo Íþróttabandalag Reykjanesbæjar. Gaman var að sjá eldri sundmenn deildarinnar taka virkan þátt í framkvæmd mótsins og stóðu þau sig með prýði.
Keppendur voru til fyrirmyndar í og utan laugar og verður gaman að sjá þau eftir hádegi í dag en upphitun hefst klukkan 15 og mót kl. 16 í Laugardalslauginni.
Uppfærðir listar vegna Vormóts
Þá eru komnir inn listar vegna Vormótsins. Þetta eru listar eins og skráningar eru 5. mars fh.
Hlökkum til að sjá ykkur um helgina
Vormót Fjölnis upplýsingar
Þá er Vormótið okkar að taka á sig eiginlega mynd. Fjöldi félaga hafa skráð sig til þátttöku og stefnir í að Vormótið verði ekki mikið minna en Haustmótið okkar. Við setjum hér inn á vefinn þátttakendalista félaga, keppendalista mótsins með fyrirvara um breytingar sem gerðar verða. Frestur til úrskráninga er ekki liðinn og munum við uppfæra listann eftir því sem við á þegar hann er liðinn.
Hlökkum til að sjá ykkur í Laugardalnum um helgina. Ef það eru einhverjar fyrirspurnir varðandi mótið vinsamlegast beinið þeim til Sunddeildar Fjölnis